რა ინფორმაცია ვრცელდება ვალენსიაში მცხოვრებ ქართველ ფეხბურთელებზე, სადაც სტიქია მძვინვარებს და დაღუპულთა რაოდენობა 100-ზე ავიდა.. (ფოტო-ვიდეო)
სამხრეთ-აღმოსავლეთ ესპანეთში, ძლიერი წვიმით გამოწვეული წყალდიდობის შედეგად, თითქმის 100 ადამიანი დაიღუპა.
ესპანეთში კოკისპირული წვიმა და სეტყვა იყო, რამაც რამდენიმე რეგიონში წყალდიდობა გამოიწვია. ერთ-ერთი ყველაზე დაზარალებული რეგიონი ვალენსიაა. სამაშველო სამსახურის წარმომადგენლებმა, ძლიერი წყალდიდობის შედეგად დაღუპული ადამიანების რაოდენობა დაადასტურეს.
ვალენსიის ოფიციალური პირების განცხადებით, სტიქიური კატასტროფის მასშტაბებიდან გამომდინარე, ამ ეტაპზე, დაღუპულთა ზუსტი რაოდენობის დადგენა შეუძლებელია.
ესპანეთში სამაშველო სამუშაოები ამ დრომდე გრძელდება.
სოციალურ მედიაში გავრცელებულ კადრებში ჩანს წყალდიდობით გამოწვეული ქაოსი – ინგრევა ხიდები, წყალს მიაქვს ავტომობილები, ადამიანები ხეებზე ძვრებიან, რომ წყლის ნაკადს გადაურჩნენ.
რა ინფორმაცია ვრცელდება ვალენსიაში მცხოვრებ ქართველ ფეხბურთელებზე, სადაც სტიქია მძვინვარებს
ინფორმაციას Geo Team ავრცელებს.
“გუშინ ღამით ვალენსიაში წყალდიდობა და შტორმი მოხდა, რამაც სამწუხაროდ, ათეულობით ადამიანის სიცოცხლე იმსხვერპლა და ასეულობით დაშავებულია.
ვალენსიაში მცხოვრები საქართველოს ნაკრების ორივე ფეხბურთელი, გიორგი მამარდაშვილი და გიორგი ქოჩორაშვილი ოჯახებთან ერთად თავს კარგად გრძნობენ და უსაფრთხო სიტუაციაში იმყოფებიან.
Geo Team მხარდაჭერას უცხადებს ჩვენი ბიჭების კლუბებს, მათ ქალაქსა და მაცხოვრებლებს. თანაგრძნობას ვუცხადებთ დაღუპულთა ოჯახებს.”