ასე გაიგებთ, ზუსტად როდის გარდაიცვლებით – დანიის მეცნიერებმა შეიმუშავეს ალგორითმი, რომელსაც შეუძლია ადამიანის სიცოცხლის ხანგრძლივობის პროგნოზირება 78% სიზუსტით
დანიის ტექნიკური უნივერსიტეტის მეცნიერებმა შეიმუშავეს ალგორითმი, რომელსაც შეუძლია ადამიანის სიცოცხლის ხანგრძლივობის პროგნოზირება 78% სიზუსტით. კვლევის შედეგები Nature Computational Science–ში გამოქვეყნდა.
მეცნიერებმა გამოიყენეს 6 მილიონზე მეტი დანიელის მონაცემები ხელოვნური ინტელექტის ახალი ალგორითმის შესაქმნელად. მონაცემების ნაწილი სხვადასხვა არქივიდან და სამედიცინო ჩანაწერებიდან აიღეს. მკვლევარებმა ასევე შეაგროვეს კვლევაში მონაწილე მოხალისეების ინფორმაცია მათი ჯანმრთელობის, დაბადების თარიღის, საცხოვრებელი ადგილის, ოჯახური მდგომარეობის და პროფესიის შესახებ
მიღებული ფაქტები ჩადეს მექანიკურ ალგორითმში, რომელმაც მონაცემები გაანალიზა, ურთიერთკავშირი მოძებნა და სცადა მომავალი მოვლენების პროგნოზირება წინა გამოცდილების საფუძველზე. ნეიროქსელმა შეძლო ადამიანის ფინანსური შემოსავლის და ჯანმრთელობის მდგომარეობის პროგნოზირება მთელი მათი ცხოვრების განმავლობაში.
გარდა ამისა, ალგორითმა 78% სიზუსტით შეაფასა ადამიანის გარდაცვალების ალბათობა ამა თუ იმ დროს. ეს კვლევაში მონაწილე პირებზე შემდგომმა დაკვირვებამ აჩვენა.
მეცნიერები თვლიან, რომ ეს მეთოდი შეიძლება გამოყენებულ იქნას ადამიანების ნაადრევი სიკვდილის რისკის შესამცირებლად და ჯანმრთელობის მდგომარეობის გასაუმჯობესებლად ინდივიდუალური სტრატეგიების შემუშავებისთვის.